Ахсынньы 3-4 күннэригэр ВДНХА-ҕа Аан дойдутааҕы “Доброволец России” форум ыытыллан ааста. Манна 120 дойдуттан волонтердар кэлэннэр икки күн устата 75 араас хайысхалаах тэрээһиннэринэн үлэлээтилэр.
Саха сирин аатыттан мин Афанасьев Ян уонна Конюшкина Катя буолан, иккиэн кыттан кэллибит. Салайааччыннан Денисова Маргарита Егоровна, Дьокуускай куорат иккис нүөмэрдээх оскуолатын учуутала илдьэ сырытта. Форум иһинэн 50-ча былаһаакка үлэлээтэ. Дискуссияларга, деловой кэпсэтиилэргэ, оонньууларга көхтөөх кыттыыны ыллыбыт.
Иккис күн Российскай Федерация администрациятын президенын солбуйааччытын Сергей Кириенконы, Новай Зеландияттан сылдьар Сэм Джонсоны, AIESIC аан дойдутааҕы президенын Фадель Моххамеды уо.д.а. биллиилээх дьоннору кытары көрсүһүү буолла. Деловой чааһа бүтүүтэ Доброволец России торжественнай аһыллыытыгар Россияҕа биллэр сүрүн проектар номинацияларынан наҕараадаланнылар. Форумҥа кыттыбыппыт туоһутунан сертификат ыллыбыт.
Ахсынньы 5 күнүгэр Волонтер күнүгэр аналлаах улахан бырааһыньыктааҕы концерт буолан ааста. Россия биллиилээх ырыаһыттара кыттан, ыллаан аастылар. Россия президенэ В.В.Путин кэлэн “Доброволец России” сүрүн бирииһин “Здоровое село” бырайыак хаьаайыныгар, Смоленскай уобалаһыттан сылдьар Антон Коротченкаҕа туттарда.
Форумҥа сылдьан элбэх дьону көрсөн билиибит-көрүүбүт кэҥээтэ. Үтүө дьыала хамсааһына аан дойдуга сыаллаах – соруктаах үлэлиир эбит диэн санааҕа кэллибит. Биһигитини ыыппыт төрөппүттэрбитигэр, оскуолабыт дириэктэригэр Тобонов И.Г, салайааччыларбытыгар Зоя Самуиловнаҕа, Семен Павловичка, Ньурба оройуонун үөрэҕирии салалтатыгар улаханнык махтанабыт.
Ян Афанасьев, ученик МБОУ «Сюлинская СОШ им. С.С.Сюльского», лидер детской организации «Харысхал», член команды ДОО «Ньурба Эрэлэ.