Ахсынньы ый 14 күнүгэр куораппыт Николай Чуор аатынан культурнай киинигэр «Ньурба куората» муниципальнай тэриллии баhылыгын бирииhигэр «Ньурба оhуордаах оhуокайа» куорат тэрилтэлэрин икки ардыгар ыытыллар оhуокай иккис добун түүлгэтин үөрэҕирии управлениета, куорат оскуолалара А.Н. Чусовской аатынан техническай лицей үйэ чиэппэрдээх үбүлуөйүгэр анаан тэрийдэ.
Доҕордуу добун түhүлгэтин тохтор тойуга, ылбаҕай ырыата, дьиэрэhийэр оhуокайа эйэ өрөгөйүн элбэтэ турдун диэн кэлбит ыалдьыттарга, кэскиллээх уонна саҥа этээччилэргэ алгыс тылын норуот ырыаhыта Валентина Егоровна Сухаринова анаата. Ньурба куоратын оскуолаларыттан сайдам санаалаах дьон түмсэн оhуордаах оhуокайы оройуттан туттулар, эҕэрдэлээх эhиэкэйи эҥээриттэн ыллылар.
Оhуокайы эҥээриттэн ылан түhүлгэлэрин төрүттээтилэр Валентина Егоровна, бу күн дьон сэҥээриитин ылан кылыhахтаах тойуктарынан, ылбаҕай ырыаларынан сүрэхтэннилэр Убайаан оскуолатын саха тылын уонна литературатын учуутала Анастасия Егоровна Васильева, Ньурба техническай лицейын физкультура учуутала Валерий Гаврильевич Степанов, үөрэҕирии салалтатын иитии уонна эбии үөрэхтээhин специалиhа Александра Николаевна Захарова.
Оhуокайы түмүктээтэ дьиэрэhийэр оhуокайынан Изабелла Егорова. Этээччилэр лицей
үйэ чиэппэрдээх үбүлүөйүнэн эҕэрдэлээн, алгыс тылларын этэн күммүт өрөгөйө үрдээтэ.
Идэтийбит этээччилэрбитигэр махтал бастыҥын этэбит, саҥа талааннарбытыгар киэҥ араҥаҕа тахсалларыгар баҕара хаалабыт!
Захарова А.Н.
(22035)