Эбии үөрэхтээhин эйгэтигэр аан дойдутааҕы «World skills» хамсааhын күүскэ киирэн, оҕо сайдарыгар эбии күүс, тирэх буолла. «Цифровая образовательная среда» Россия федеральнай бырайыагын иhинэн ыытыллыбыт күрэххэ Ньурба оройуонун эбии үөрэхтээhин тэрилтэтэ (МАУ ДО «ЦДНТТ») сүүмэрдэнэн, «IT-Cube» «Центр цифрового образования для детей» 13 мөлүйүөнтэн тахсалаах грант сүүйэн, 2020 сыл балаҕан ыйыттан улэҕэ киирэрэ эдэр ыччат сайдарыгар биир улахан хардыы буолар.
Сылтан сыл «World skills» хамсааhын курэҕин араас компетенциялара, хайысхалара оройуоммутугар үксээн иhэр. Ол курдук, Хаҥалас, Хатыы, Чаппанда, Ньурба техническай лицейыгар «кузнечное дело» хайысха үлэтэ былырыыҥҥы үөрэх дьылыттан кэҥээн иhэр. Куруhуоктар, оҕо сайыҥҥы лааҕырдара үрдүк ситиhиилээхтик улэлииллэр.
Атырдьах ыйын 23-24 күннэригэр Сата уустара силистээн олорбут Ньурба улууһун Хаҥалас нэһилиэгэр оскуола саастаах оҕолорго саха быhаҕын охсуутугар аналлаах «Сата уус – 2019» иккис республика таһымнаах фестиваль буолан ааста.
Тэрээhин «Сата» түбэтигэр баран алгыс ылыыттан, аатырбыт уустар сирдэригэр-дойдуларыгар сүгүрүйүүттэн, сиэр-туом оҥоруутуттан, норуот маастардарын сүбэлэриттэн-амаларыттан, музейга уустар уонна оҕолор оҥорбут оҥоhуктарын быыстапкатыттан саҕалаан 2 күн устата тэтимнээхтик ааста.
Күрэххэ Кэбээйи, Хаҥалас, Үөhээ Бүлүү, Сунтаар уонна Ньурба норуот оҥоhугун маастардара, тимир уустара үөрэнээччилэрин кытыннардылар. Уопсайа 15 уол быhах охсуутугар хайалара ордук сатабыллаах буоларын дакаастаатылар.
Күрэх сүрүн судьуйатынан Саха Республикатын норуотун маастара, краевед, Россия үтүөлээх ойуурун улэhитэ, Ньурба улууhун бочуоттаах олохтооҕо, Саввинов Владимир Иванович үлэлээтэ.
Аатырбыт саха быһаҕын оҥорууга күрэх түмүктэрэ:
1 миэстэ – Михайлов Вилен (Хаҥалас улууhа);
2 миэстэ – Кондратьев Тимур (Сунтаар);
3 миэстэ – Никифоров Василий (Ньурба, Хаҥалас).
Тимир оҥоhук быыстапкатыгар:
1 миэстэ – Иванов Дьулусхан (Ньурба оройуона, Ньурба);
2 миэстэ – Иванова Уйгууна (Ньурба оройуона, Ньурба);
3 миэстэ – Яковлев Александр (Кэбээйи, Мастаах).
Анал ааттар:
«Үгэhи үйэтитээччи» — Константинов Николай (Үөhээ Бүлүү, Кэнтик);
«Бастыҥ таптайааччы» — Харитонов Денис (Сунтаар, Күүкэй);
«Көрөөччү биhирэбилэ» — Иванов Дьулусхан (Ньурба);
«Мындыр уус» — Иванов Святослав (Үөhээ Бүлүү, Тамалакаан);
«Кэскиллээх уус» — Федотов Петр (Ньурба);
«Толон уус» — Васильев Вадим (Ньурба, Хаҥалас);
«Хатан уус» — Потапов Александр (Сунтаар);
«Сайдар уус» — Никифоров Григорий (Үөhээ Бүлүү, Тамалакаан);
«Утум уус» — Яковлев Александр (Кэбээйи, Мастаах);
«Туйгун уус» — Михайлов Вилен (Хаҥалас, Октом).
Сата Хайатын тааhыттан былыргылыы ньыманан Борис Николаевич Григорьев – Сата уустарын удьуора уонна Хаҥалас нэhилиэгин тимир ууhа Ариан Васильевич Афанасьев күн устата тимири уhааран, фестиваль биир ураты тэрээhинин, дьоҥҥо-сэргэҕэ, кэскиллээх уус уолаттарбытыгар бэлэх ууннулар. Өбугэ ситимэ салҕаннын!!!