Үлэ үөрдэр, үтүөҕэ үөрэтэр. Каникул кэмигэр оскуола улэһиттэрэ нэһилиэкпит ветеран учууталларыгар муус ылан тиэйдилэр. Маннык үтүө дьыала оҕолорго холобур буолар.
Оскуолабытыгар быйыл күһүн арыллыбыт мебельнай цыахха улэ ньиргиэрдээхтик бара турар. Ол курдук бу ыйга Маалыкай орто оскуолатын сакааһынан 40 устуука соҕотох оҕо олорон үөрэнэр паарталара, олоппосторо оноһуллан бүттүлэр, маны таһынан 4 улахан стеллаж бэлэм буолла. Биирдиилээн чааҺынай дьоннор остуол, стеллаж, олорор олоппостору уонна кухоннай стеллажтары сакаастаан онотторон биьирэбили ыллылар.
Каникулун кэмигэр олус туһалаах, араас хайысхалаах тэрээһиннэр буолан аастылар. Санаан аастахха, бэрт сэдэх мастер-класстары төрөппүттэр, үөрэнээччилэр көрүүлэригэр-истиилэригэр ыыппыттара: 1 кылаас төрөппүтэ Николаева Федора Висарионовна «Ободок из фоамирана», 2 кылаас төрөппүтэ Моргусова Мария Валерьевна «Туос ытарҕа», 2 кылаас төрөппүтэ, омук тылын учуутала Антонова Виктория Альбертовна «Вязание», 9 кылаас үөрэнээччитэ Алексеева Сима «Приготовление плюшек». Бу маастар кылаастары лскуолабыт инстаграмм markhinskaia.sosh страницатыгар киирэн көрүҥ ,сэргээҥ,үҕрэниҥ. Ону таьынан оскуолабытыгар өр сылларга бэриниилээхтик үлэлээбит коллегаларбыт, «Бэйбэрикээн» иистэнньэҥ эбээлэр түмсүүлэрэ олус интэриэһинэй маастар кылаастары ыыттылар, ол курдук Васильева Любовь Николаевна «Оҕуруонан киэргэл», Васильева Августа Васильевна хаһыаттан, сурунаалтан корзина онорутугар ыыттылар.
Каникул кэмигэр учууталлар эбии үөрэхтээһин дьарыктары оҕолорго ыыттылар. Ол курдук, «Пластилиновая анимация», «Виртуальная реальность», «Каникулы с английским» о.д.а. дьарыктар, математика5а, нуучча тылыгар, биологияҕа, химияҕа, географияҕа биир кэлим экзаменнарга бэлэмнэниилэр аныгы технологиялар көмөлөрүнэн дистанционнай форманнан буолан аастылар.
Былаан быһыытынан кылаас салайааччылара иитии өттүнэн төрөппүттэргэ сүбэ-ама мунньахтарын, беседаларын ыыттылар, холобур, бастакы чиэппэргэ буолан ааспыт ВПР түмүктэрин билиһиннэрии, каникул кэмигэр үөрэнээччи эрэсиимин тутуһууга, бу Аан Дойду үрдүнэн буола турар пандемия бириэмэтигэр харыстаныыга, психологическай месячник тэрээһиннэрэ уо.д.а. Оҕолорго каникул кэмэ бэрт интэриэһинэйдик, туһалаахтык ааста. Кыргыттар күннэригэр, Норуоттар сомоҕолоһууларын күнүгэр, финансовай грамотнаска интернет нөнүө кылаас чаастара, оскуола викторинатыгар кытыннылар. Маны таһынан маннык араас конкурстар буолан аастылар: кыргыттарга «Муодунай бүрүчүөскэ», «Ийэбинээн тэҥҥэ» видеороликтар, «Мин тапталлаах ийэм» уруһуй күрэҕэ, «Ийэ мичээрэ» хоһоон курэҕэ, «Сомоҕолоһуу күнэ» темаҕа алын сүҺүөх үөрэнээччилэригэр уруһуй курэҕэ, «Я TikTokер» үҥкүү видео курэҕэ, «Жизнь в позитиве» плакаттар, сэтинньи 31 кунугэр «Halloween» маскалар хаартыскалара. Маны таһынан оскуола психолога кылаастарынан анкетирование, опрос ыытта, консультациялар буолан аастылар. Куйаар ситимин нөҥүө дойду үрдүнэн ыытыллар араас тэрээһиннэргэ, акцияларга кыттыыны ыллыбыт. Сэтинньи ый 7 күнүгэр оскуола үөрэнээччилэригэр 2 нэдиэлэтээҕи сухой паек түнэтилиннэ.
Оскуола прессата
07.11.2020