Кулун тутар 25 күнүгэр Ньурба улууһун агро хайысхалаах Хатыы орто оскуолатын, Маалыкай орто оскуолатын, Ньурбачаан орто оскуолатын, Сүлэ орто оскуолата агро оскуолаларын үөрэнээччилэрэ, Ньурба оройуонун уорэ5ирии салалтатын уопсай уорэхтээhин суруннуур специалиhа, агро хайысхалаах оскуолалар куратордара Антипина Зоя Петровна салайааччылаах профориентационнай хайыскалаах Дьокуускайдааҕы АГАТУ-га АгроНТИ күрэҕин тэрийэр площадкаларыгар сылдьан аныгы технология сайдыытын билистилэр, араас робототехниканы тутан -хабан үлэлэстилэр. Ол курдук «Агроробот» хайысхаҕа роботтары үлэлэтэн салайан көрдүлэр, «Агрокосмос» салаатыгар метеостанция үлэтин кытта билистилэр, ону тэҥэ анал компьютернай программаларга үлэлээн холонон көрдүлэр. «Агрокоптер» диэн хайысханы олус сэҥээрдилэр, коптердары сөптөөхтүк салайарга элбэх билиини-көрүүнү иҥэриннилэр.
Иккис күммут эмиэ олус интэриэһинэй буолла. Ол курдук оскуолатааҕы бизнес инкубаторы кытта билсээри салгыы В. П. Ларионов аатын сүгэр Майа агрооскуолатыгар айаммытын туттубут. Онно тиийэн бизнес инкубатор ымпыгын -чымпыгын биллибит, оҕолор араас ситуационнай оонньууга көхтөөхтүк кытыннылар. Эбиэттэн киэһэ АГАТУга конюшнятыгар сылдьан сылгылары көрдүбүт, үөрэнээччилэр олус сэргээтилэр, сорох-сорохтор Саха сирин чиэһин көмүскүүр сүүрүк аттары көрөн өссө бүк үөрүүлэрэ үрдээтэ.
Үһүс күн Ньурба оройуонун уорэ5ирии салалтатын салайааччытын Аргунова Алевтина Петровна салайааччылаах айаммытын Хатас агро оскуолатыгар туттубут. Онно тиийэн үүнээйилэри төгүрүк сыл устата үүннэрэр «Агрокуб» үлэтин кытта билистибит, саҥа технологияны туттан хайдах курдук таһаарыылаах үлэни оҥоруохха сөбүн көрөн сөхтүбүт. Айаммыт кэлии суолугар Покровскай тракт 5 км АГАТУ инженернэй техническэй институтугар сылдьан аастыбыт.
Аҕыйах күннээх сырыыбыт оскуолабыт оҕолоругар киэҥ билиини, туһалаах үөрэҕи, саҥа саҕахтары иҥэрдэ. Түгэнинэн туһанан ийэлии иһирэхтик көрсүбүт «В. П. Ларионов аатын сугэр агрооскуола» директорыгар Игнатьева Светлана Кимовнаҕа уонна оскуола иллээх коллективыгар, оҕолоругар, «П. Н. уонна Н. Е. Самсоновтар ааттарын сүгэр Хатас агрошколатын » директорыгар Слепцов Николай Владимировичка, «АГРО -КУБ » научнай лабораториятын сэбиэдиссэйигэр Васильева Диана Дмитриевнаҕа, Дьокуускайдааҕы АГАТУ ректор эбээhинэhин толорор Кривошапкин Константин Константиновичка, араас сирдэринэн сиэтэ сылдьан көрдөрбүт к.т.н., доцент Дондоков Юрий Джигитовичка барҕа махталбытын тиэрдэбит.
Умнуллубат түгэннэри оҕолорго бэлэхтээбит Ньурба үөрэҕириитин салайааччытыгар Аргунова А.П., уопсай уорэхтээhин суруннуур специалиhыгар, агро хайысхалаах оскуолалар кураторбытыгар Антипина З. П. уонна агрооскуолалар директордарыгар махталбытын тиэрдэбит. Сыыдам сырыылаах массыына уларсыбыт оскуола директордарыгар Акана орто оскуолатын директорыгар Мигалкина Екатерина Федоровна5а, Дьаархан орто оскуолатын дитректорыгар Никифоров Илья Васильевичка бар5а махталбытын тиэрдэбит.