Сэмэн Сэмэнович Сүүлскэй аатынан Сүлэ орто оскуолатын директора Тобонов Иван Гаврильевич Казань куоракка «Эффективное управление образованием в условиях реализации ФГОС основного общего образования” диэн үс күннээх стажировкаҕа сылдьыбытым туһунан суруйарга сананным. Биһиэхэ бу кууруспутугар икки агрооскуола кэлэн кыттыыны ылбыттара. Ол курдук, бастакынан МБОУ “Нармонская средняя общеобразовательная школа” Лаишевского муниципального района РТ, Солягина Роза Ильгизовна директордаах, кэлэн “Особенности организации работы в сельской школе (агрошколе)” диэн теманан оскуолатын үлэтин сырдатта. Бу оскуола түөрт уон икки үлэһиттээх эбит, онтон сүүрбэ сэттэтэ педагог, олортон биэһэ үрдүк категориялаах, сүүрбэ биирэ бастакы категориялаахтар эбит. 2018 сыллаахха 48 мөлүйүөҥҥэ ремонт онорбуттар, онон оскуолалара саҥа ирдэбиллэргэ эппиэттиир гына тупсаҕай көстүүлээх, үлэлииргэ, үөрэнэргэ, сайдарга сөптөөх усулуобуйалаах гына тэриллибит. Ону тэҥэ эбии граҥҥа кыттаннар саҥа МТЗ трактор ылбыттар. Ол курдук, сыл ахсын оскуола тыа хаһаайыстыбаларын тэрилтэлэрин кытары договордаһан сайыҥҥы кэмҥэ оҕолору производствоҕа үлэлэтэллэр, таарыччы учебнай практикаларын ааһаллар уонна хамнас аахсаллар эбит. Балаҕан ыйын маҥнайгы күнүгэр үөрүүлээх быһыыга-майгыга сайын үчүгэйдик үлэлээбит оҕолорго, салайааччыларга махтал сурук туттараллар эбит. Ону таһынан, оҕолорго тырахтарыыс, кыргыттарга швея идэтин биэрэр эбиттэр. Ол курдук, элбэх сана хайысханнан PADLET интерактивнай доска, QR- код хайдах оноһулларын көрдөрдүлэр мастер кылаас ыыттылар.
Иккис күммүтүгэр бастакы үөрэхпит “Особенности организации образовательного процесса в агрошколе (Школа молодого фермера)” диэн статустаах МБОУ “Матюшинская средняя общеобразовательная школа Верхнеуслонского муниципального района РТ”, директор Шарафеева Римма Анваровна оннугар оскуоланы торүттэччи директор Ильдус Анварович Шарафеев кэлэн кэпсээтэ. Бу оскуола 134 саастаах эбит, оскуола Казань куораттан чугас турар буолан (25 км) оҕотун ахсаана аҕыйах — отут икки оҕолоохтор. Ол да буоллар, бу оскуолаҕа 2014 сылтан саҕалаан “учебный центр профессиональной квалификации” хайысханы тэрийэннэр, атын оскуолалартан нэдиэлэҕэ иккитэ — сэрэдэ, суббота нэдиэлэ күннэригэр оҕолору аҕалан үөрэтэн, тракторист-машинист, швея, водитель, пчеловод идэлэрин биэрэллэр эбит. Оскуола 20 миэстэлээх интернааттаах, онтугар 8 оҕо олорор. Сарсыныгар Ильдус Анваровичтыын оскуолаҕа көрсуөх буоллубут, илэ харахпытынан көрдөхпүтүнэ табыллар диэн буолла.
Ол курдук, сарсыныгар Ильдус Анварович болдьоспут бириэмэбитигэр кэлэн ылаттаата. Оскуолаҕа тиийэн барытын астына дуоһуйа көрдүбүт-иһиттибит. Оскуола материально-техническай базата толору хааччыллыбыт, 4 оҕону таһар автобустаах, биэс трактордаах, квадроцикл, буран, мотоблок, навесной оборудованията барыта баар эбит. Оскуола тиэргэнигэр пришколнай учаастактаахтар, онно оҕуруот аһа олордоллор, яблоневай учаастак, тепличнай хозяйство, трактодром, тыа хаһаайыстыбатын техникатын көрөр оҥорор пуун бааллар. 10-11 кылаастар профильнай кылаастаахтар, онно биология, агрономия, животноводство, основы сельского хозяйства, агрохимия предметтэри үөрэтэллэр. Оскуола иһигэр киирэн музейдарын, интернаттарын, кылаастары көрдүбүт. Айанныыр күммүт, бириэмэбит кылгас буолан, оскуоланы аҕыйах чаас иһигэр кэрийэн көрдүбүт. Оскуола директора Ильдус Анварович Саха сирин агрооскуолаларыгар махтала улахан, биһиги агрооскуолаларбыт үлэлиир опыттарын, хайысхаларын көрөн тупсаран онордубут диир. Түмүгэр коллектив аатыттан Сэмэн Сэмэнэбис Сүүлскэй сүүс сыллаах үбүлүөйүгэр анаан таһаарбыт кинигэбитин музейдарыгар бэлэх быһыытынан туттардым.
Агротехническэй хайысхалаах
Сүлэ орто оскуолатын дириэктэрэ
И.Г.Тобонов