Олунньу 8 кунугэр Н.И.Кочнев аатынан 1-Хаңалас орто оскуолатыгар Ийэ тыл уонна сурук-бичик декадатын чэрчитинэн, алын кылаас учуутала, СӨ үөрэ5ириитин туйгуна Алексеева П.Н. «Төрөөбүт тылы баhылыырга: уопутум, санааларым, са5ахтарым» авторскай семинара буолан ааста. Оройуон 17 оскуолаларыттан барыта 26 алын кылаас учууталлара кэлэн бэйэлэрин санааларын атастаһан,уопут ылан бардылар.Тэрээһин аһыллыытын иилээн са5алаан саха тылын учуутала Васильева А.В. ыытта. Ньурба оройуонун үөрэ5ириитин управлениетын методиһа Васильева Варвара Прокопьевна э5эрдэ тыл эттэ. Кэлбит ыалдьыттары Россия үрдүнэн Наука күнүнэн э5эрдэлээтэ, инникитин научнай үлэ5э о5ону кө5үлүүргэ, саңа са5ахтары арыйарга ыңырда. Семинар арыллыытын төрөппүт, о5олор кыттыылаах «Дьөһөгөй» үңкүүтүнэн киэргэттилэр.
Маастар-кылаас са5аланыытыгар Прасковья Николаевнаны төрөөбүт тылга тапталы, айар-суруйар дьо5уру иңэрбит киһинэн учуутала Василий Егорович Максимов буоларын, учууталын тэлбит суолун суолдьут сулус оңостон «Ыллык» эдэр корреспонденнар постарын республика5а биллэрэн айымньылаахтык үлэлии сылдьарын туһунан олохтоох библиотека үлэһитэ «Ньурба» хаһыат общественнай корреспондена Николаева Мария Николаевна кэпсээн са5алаата.
Быйыл 2018 сыл саха дьонун өйдөбүлүнэн Хотой сыла. Биһиги сахалар сэттис халлаан улуу көтөрүн ытыктыыбыт, сүгүрүйэбит, онон Хотой сылыгар анаан маастар-кылааһын ыытта. Учууталлар биэс хамаанда5а арахсан бэриллибит тематыгар кэпсээн, хоһоон айарга холоннулар, сатабыллаах илиилэринэн бэриллибит матырыйаалынан киэргэттилэр.
«Ийэ тылынан сайа саңаран» айар отчуокка Прасковья Николаевна үөрэтэ сылдьар 1 кылааһын үөрэнээччилэрэ Баишев Айысхан, Семенов Арылхан сүрдээх истиңник айымньы ис хоһоонун көрдөрөрдүү дор5оонноохтук хоһоон аа5ан иһитиннэрдилэр. Прасковья Николаевна о5олору дьарыктыырга анаан ылбыт «До5уһуол» этно-фольклорнай ансамбль сахалыы инструменнарын билиһиннэрдэ. Сочи куоракка ыытыллыбыт Аан дойдутаа5ы фольклорнай фестивальга лауреат буолан кэлбит кини дьарыктыыр о5олоро семинар кыттыылаахтарыгар хомуска оонньоон, Жданова Анжелина Ийэ олоңхоһут Петр Решетников «Күн Күндүлү Бухатыыр» олоңхотуттан быһа тардан, Сандаара Куо оруолун кылыһахтаах куолаһынан толорбутун ордук сэңээрэ, сөбүлүү иһиттилэр.