Сэтинньи 17 күнүгэр Советскай Союз Героя Н.Н.Чусовской аатын сүгэр Антоновка орто оскуолатыгар киэһэ 16:00 чааска «Уол оҕо, ат кулун” диэн уоланнар кылаастарын сүрэхтэниитэ үрдүк таһымҥа тэриллэн ааста.
Тэрээһин саха эрэ киһитэ барыта ахтар сытынан арчыланыынан саҕаланна. Анатолий Бурнашев «Уол оҕото аҕыс кырыылаах…» диэн ырыатыгар доҕуһуоллатан кэлбит ыалдьыттар, төрөппүттэр, учууталлар, үөрэнээччилэр саас сааһынан сахалыы олбохтоох ыскамыайкаларга олордулар. Ол кэннэ сахалыы таҥастаах уоланнар бөлөхтөрө кылаас салайааччыта Марк Афанасьевич Софронов салалталаах, дохсун ытыс тыаһа дохуһуоллаах сцена иннигэр таҕыстылар. Бу кэмҥэ Саха сирин Гимнэ тыаһаата. Мунньустубут дьон бары Гимни туран эрэ иһиттэ.
Уоланнар бөлөхтөрө «Антоновкам оскуолата» уонна «Киэҥ Ньурба» ырыаны мунньустубут дьоҥҥо ыллаан иһитиннэрдилэр. Ырыа кэнниттэн Алгыс тылларын эттилэр.
“Уол оҕо барахсан биир күн ат уорҕатыгар, биир күн ат өрөҕөтүгэр” диир саха өһүн хоһооно. Оскуола директора Егор Николаевич Тогонохов эр дьон учууталлары кытта, кырачаан уолаттарга анаан бэйэлэрин Алгыстарын хоһоонунан эттилэр.
Бу үөрүүлээх күн уоланнар бөлөҕү оскуола директора Тогонохов Е.Н. эҕэрдэлээтэ уонна компьютер сертификатын ытыс тыаһын доҕуһуолугар кылаас салайааччытыгар Софронов М.А. туттарда.
Ыалдьыттарбыт НСОШ №3 уолаттарын бөлөхтөрө күпсүүр дохсун тыаһынан кэлбит дьон уйулҕатын сааһылаатылар, үс куту бөҕөргөттүлэр.
Кылаас салайааччыта Софронов М.А. кылааһын туһунан кылгастык билиһиннэрдэ: Гендер- соҕуруу дойдуларга баар эбит. «Генус” диэн грек тылыттан киирбит. Род диэн өйдөбүллээх. Уол оҕо кылааһын арыйан үлэлэтии бу оскуолаҕа сонун буолбатах. Оннук практика биһиги оскуолабытыгар баар. Онон биһиги үлэлииргэ бэлэммит, эр дьон учууталлар көмөлөһөллөр, тирэх буолаллар. Төрөппүт, учууталлар, оскуола администрацията бары көмөлөөн үлэлииргэ бастакы мунньахха сорук турбута. Быйлгы сылбыт көннөрү билсиһии, бодоруһуу быһыытынан буолар. Онтон салгыы сайдан иһиэхпит. Проеккпыт этэҥҥэ үлэлииригэр баҕарабын.
«Октябрьскай нэһилиэк» МТ баһылыгын солбуйааччыта Степанов А.А. уоланнары эҕэрдэлээтэ. Оскуола сөптөөх суолу талбыт диэн бэлиэтээн туран оскуола директорыгар эҕэрдэ сурук туттарда.
7 «б», 9 «б» кылаас уолаттара тахсан монтаж аахтылар. Кэлбит ыалдьыттар биһирэбиллэрин ыллылар.
Салгыы бэйэтин эҕэрдэтин Ньурба оройуонун үөрэҕириитин управлениетын салайааччытын солбуйааччыта Федоров Д.А. тириэртэ: «Ньурба оройуон» МО баһылыга Иннокентьев А.М. бастаан үлэҕэ киирэригэр уол оҕону иитиигэ ураты болҕомто ууруллуон наада диэн сыал сорук туруорбута. «Уол оҕо- норуот кэскилэ» диэн мээнэҕэ эппэттэр. Онон бу уол кылааһа аһыллыбыта отой сөп уонна кэмигэр аһыллыбыт дии саныыбын. Бэлэхпин Глобус туттарабын. Аан дойдуну барытын кэрийэн үтүөтүн түмэн норуоккут сайдарын туһугар туһаныҥ. – диэн алгыһын эттэ.
Бу киэһэ оҕолору төрөппүт комитетын председателэ Белолюбскай П,П, эҕэрдэлээтэ атын оскуолаҕа оҕолорбут холобур буолуохтара, оройуон эрэлин толоруохтара диэн эрэлин биллэрдэ. Онно төрөппүт эр дьоннор өттүттэн көмөлөһөргө бэлэмнэрин эттэ. Ааспыт нэдиэлэҕэ төрөппүттэр кэпсэтэн МЧС ка киирэн үлэлэрин хамнастарын көрөн тахсыбыттарын санатта.
Уолаттар «Көтөр ат» ырыа ыллаатылар. Боотурдар үҥкүүлэрин үҥкүүлээтилэр.
Эдэр истоиия учуутала Иван Иванович уолаттары Аскалон Павлов «Эр хоһуун буол» диэн ырыатынан дьоро киэһэ I чааһа түмүктэннэ.
II чааһыгар уолаттар эт-хаан өттүнэн эрчиллиилээхтэрин көрдөрдүлэр.
Кэлбит дьон бары олус дуоһуйан, астынан тарҕастыбыт.
С.Санникова