Иhитиннэрии.
Быйыл Дьаархан нэhиилиэгиттэн төрүттээх филология билимин доктора, ССРС билимнэрин Академиятын Сибиирдээҕи салаатын үтүөлээх бэтэрээнэ, норуоттар ыккардыларынааҕы тюрк Академиятын чилиэнэ, учуутал, саха норуотун уус – уран айымньытын чинчийээччи учуонай Емельянов Николай Васильевич 100 сааhын улууска бэлиэтээтибит.
Ахсынньы 22 күнүгэр биир дойдулаахпыт Емельянов Н.В. аатын үйэтитэр сыаллаах өссө биир тэрээhин буолла.
Yөрэ5ирии салалтата, алын кылаастар учууталларын методическай холбоhуга, Дьаархан орто оскуолата улуус 2 кылаас үөрэнээччилэригэр «Ойор- тэбэр о5о саас отсуоруйалара» диэн саха норуотун остуоруйатын уустаан – ураннаан кэпсээччилэр күрэхтэрин ыытта.
Барыта 12 оскуолаттан 17 о5о кытынна. О5олор олус үчүгэйдик бэлэмнэнэн «Таал – Таал эмээхсин», «Атыыр уонна О5ус» уо.д.а. остуоруйалары кэпсээтилэр.
Күрэх түмүгэ дьүүллүүр сүбэ быhаарыытынан маннык буолла:
1м – Мигалкина Уйгууна, П.С. Егоров аатынан Акана оскуолата, сал. Васильев М.Н.
2м – Васильева Виктория, Ньурба 3№ оскуолата, сал. Семенова Е.М.
3м. – Николаев Ян, С.С. Сүүлүскэй аатынан Сүлэ оскуолата, сал. Беляева Н. Д.
Бастың остуоруйаhыт Мигалкина Уйгууна5а Н.В. Емельянов аймахтарын ааттарыттан Дьаархан орто оскуолатын психолога Фёдорова Т.И. бэлэх туттарда. Васильева Виктория уонна Николаев Ян Yөрэ5ирии салалтатын уонна Дьаархан орто оскуолатын бэлэхтэринэн биhирэннилэр.
Ону таhынан, Дьаархан орто оскуолатын биhирэбил бирииhин 1№ оскуола 2»г» кылааhын үөрэнээччитэ Расторгуев Ефимңэ (сал. Донскеая А.Д.) биэрдэ. Дьүүллүүр сүбэ чилиэннэрэ Дьаарханнаа5ы Х.И. Хартасова – Терентьева аатынан куукула тыйаатырын режиссера Терентьева Л.Х анал бирииhин А.Ф. Алексеев аатынан Чуукаар оскуолатын үөрэнээччитэ Степанов Вова5а (сал. Николаева Н.К.), библиотекарь, төрөппүт кэмитиэтин салайааччыта Ноговицын В.А. бирииhин – Яковлев Айдыңңа, Маалыкай оскуолатын үөрэнээччитигэр (сал. Иванова М.С.), анаатылар.
Кэлиңңи сылларга маннык күрэ5и Дьаархан орто оскуолата сыл аайы тэрийэн ыытарыгар кэскиллээх быhаарыы ылылынна.