сиhилии манна аа5ын
Олунньу 10 күнүгэр Ийэ тыл уонна сахалыы Сурук – Бичик күнүгэр анаан философскай билим дуоктара, бэрэпиэссэр, акадьыамык, Ньурба улууhун Бочуоттаах олохтооҕо К.Д.Уткин аатынан методическай ый чэрчитинэн, кини аатын сүгэр оскуолаҕа оройуоҥҥа саха тылын, литэрэтиирэтин уонна төрүт култуура учууталларын бастакы күрэҕэ ыытылынна.
Күрэххэ 6 учуутал:
1. Иванова Любовь Егоровна – Д.И.Павлов аатынан Ѳҥөлдьө орто оскуолатын саха тылын уонна литэрэтиирэтин учуутала
2. Иванова Александра Аркадьевна – Маар орто оскуолатын саха тылын уонна литэрэтиирэтин учуутала
3. Моякунова Августина Аркадьевна – Ст. Васильев аатынан элбэх хайысхалаах гимназия саха тылын уонна литэрэтиирэтин учуутала
4. Дмитриева Сахаайа Ахметовна– Күндээдэ орто оскуолатын саха тылын уонна литэрэтиирэтин учуутала
5. Федорова Саргылана Петровна — Маар орто оскуолатын төрүт култуура учуутала
6. Семенова Светлана Анатольевна – Н.Н.Чусовской аатынан Антоновка орто оскуолатын саха тылын уонна литэрэтиирэтин учуутала
Дьүүллүүр Сүбэҕэ үөрэх салалтатыттан Григорьева Л.И. – уопсай үөрэхтээhин салаатын сүрүн испэсэлииhэ, Ефремова Ж.И. – иитии үлэтин салаатын методиhа уонна улуус уhулуччу үрдүкү категориялаах саха тылын учууталлара: Васильев В.К, Иннокентьева Л.Р, Мясоедова А.В, Гурьева В.Н. үлэлээтилэр.
Күрэх аhыллыытыгар Ньурба оройуонун Баhылыгын социальнай боппуруостарга бастакы солбуйааччы Петрова Н.С, Ньурба үөрэҕин начаалынньыгын бастакы солбуйааччы Котоконова Е.М, К.Д.Уткин аатынан орто оскуола дириэктэрэ Степанова В.А., саха тылын учууталларын методическай холбоhук салайааччыта Мясоедова А.В. эҕэрдэ тыл эттилэр.
Күрэх икки түhүмэҕинэн ааста: уруогу ыытыы уонна маастар — кылааhы көрдөрүү. Ону таhынан, бэйэни билиhиннэрии (видеонан уонна сценаҕа ) ааста.
Күрэхтэhээччилэр олус эппиэтинэстээхтик сыhыаннаhан, хас биирдии уруок түhүмэҕин чочуйан ыыппыттара Дьүүллүүр Сүбэни уонна көрөөччүлэри олус астыннарда, оҕолор олус умсугуйан уруокка дьарыктаннылар.
Маастар – кылаастар хас биирдиилэрэ бэйэ – бэйэлэригэр хатыламматтара, учуутал уратытын, бэйэтин биридимиэтиттэн ураты кылаас таhынан үлэҕэ туспа суоллаахтарын көрдөрдүлэр.
Күрэх түмүгэ:
Бастакы үрдэл – Семенова А.С. – Н.Н.Чусовской аатынан Антоновка орто оскуолатын саха тылын уонна литэрэтиирэтин учуутала
Иккис үрдэл –Иванова А.А. — Маар орто оскуолатын саха тылын уонна литэрэтиирэтин учуутала
Үhүс үрдэл – Дмитриева С.А. — Күндээдэ орто оскуолатын саха тылын уонна литэрэтиирэтин учуутала
1. К.Д.Уткин аатынан оскуола анал бирииhэ «Көрөөччүлэр биhирэбиллэрэ» — Федорова С.П.- Маар орто оскуолатын төрүт култуура учуутала
Кыайыылаахха үөрэх салалтатын бирииhэ – харчынан сертификат, ону таhынан кыттааччыларга хас биирдии оскуолалара бэйэлэрин уонна жюрилаабыт саха тылын учууталларын анал бириистэрэ туттарылынна.
Түгэнинэн туhанан. К.Д.Уткин аатынан орто оскуола бары кэллэктиибигэр, салалтатыгар, минньигэстик ыалдьыттары күндүлээбит повардарыгар, Ньурба оройуонун үөрэҕин салалтатын үлэhиттэригэр, күрэх кыттааччыларын өйүү кэлбит учууталлар дэлэгээссийэлэригэр барҕа Махталбытын тириэрдэбит. Бу маннык күрэхтэр саҥа ааттары, үөрэтиигэ саҥа идиэйэлэри, үлэҕэ саҥа сүүрээни киллэрэ турдуннар.
Александра Мясоедова