🎭 Оройуоннаа5ы «МҮЧҮК» театральнай коллективтар күрэхтэрэ
Олунньу 27 күнүгэр Оройуон оскуолаларын ыккардыгар ыытыллар «МҮЧҮК — 2024» күрэҕэ аан бастакытын Ньурба тыйаатырын саҥа дьиэтин сценатыгар ыытылынна. Тэрийээччилэр – Ньурба оройуонун үөрэҕириигэ салаата, Ньурба 3-c №-дээх алын сүһүөх оскуолата, Ньурба тыйаатыра уонна Ньурба оройуонун кииннэммит библиотека ситимэ.
2005 сыллаахха Ньурба 3-c №-дээх алын сүһүөх оскуолатыгар «Мүчүк» диэн ааттаах тыйаатыр куруһуога Михалева Н.В., Игнатьева В.С., Петров И.И. салайыыларынан үлэлээбитэ. 2015 сылтан оскуола оройуон алын кылааһын үөрэнээччилэрин ыккардыгар «Мүчүк» күрэҕин тэрийэн сыл аайы ыытан кэллэ. Быйыл күрэххэ оройуон оскуолаларын алын, орто, улахан кылаастарын үөрэнээччилэрэ икки бөлөҕүнэн кытыннылар. Күрэх үөрүүлээх аһыллыытыгар Ньурба оройуонун үөрэҕирии салаатыттан Котоконова Е.М., Ньурба 3-c №-дээх алын сүһүөх оскуолатын дириэктэрэ Кузьмин П.П. эҕэрдэлээтилэр. Ньурба тыйаатырыттан СӨ норуодунай артыыската Валентина Николаева кыттааччыларга, тэрийээччилэргэ эҕэрдэ тылын, баҕа санаатын тиэртэ: «Арассыыйа бары оскуолаларыгар тыйаатыр куруһуоктара, устуудьуйалара аһыллан үлэлэрин саҕалаабыттара тыйаатыр ускуустубатыгар улахан болҕомто бэриллибитин көрдөрөр. Ньурба оройуонугар, өрөспүүбүлүкэҕэ тыйаатырга аналлаах күрэхтэр ыытыллаллара олус суолталаах. Күндү тэрийээччилэр, кыттааччылар, төрөппүттэр, барыгытыгар ситиһиилэри, бары үтүөнү, кэрэни баҕарабыт,тыйаатырга сылдьыҥ диэн ыҥырабыт!»
Бу күрэххэ барыта 17 оскуолаттан 19 коллектив кыттыыны ылла. 1 бөлөххө 1-4 кылаас о5олоругар 10 коллектив, 2 бөлөххө 5- 10 кылаас о5олоругар 9 коллектив кыттыыны ыллылар..
Күрэ5и ыытта Хорула орто оскуолатын 10 кылааһын үөрэнээччитэ Эдуард Прибылых ыытта.
Коллективтар үлэлэрин сыаналаатылар:
1. Щепкин аатынан алтыс саха устуудьуйатын выпускниктара Алена Пономарева, Евгений Григорьев;2. О5о уонна ыччат бибилэтиэкэтин үлэҺитэ Саха Өрөспүүбүлүкэтин култууратын туйгуна Лидия Петровна Семенова;
3. Николай Иванович Харитонов – Чуор аатынан «Кыталык» култуура театральнай тэриллии салайааччыта Саха Өрөспүүбүлүкэтин култууратын туйгуна Тумусова Альбина Степановна;
4. Ньурба оройуонун үөрэ5ин управлениетын иитэр уонна эбии үөрэх отделын специалиҺа Саха Өрөспүүбүлүкэтин үөрэ5ириитин туйгуна Семенов Василий Николаевич;
5. Арассыыйатаа5ы бастыҥнар о5о хамсааҺынын олохтоох отделение сүрүннүүр специалиҺэ Ефремова Жанна Иннокентьевна.
Уопсай түмүгүнэн:
«ГРАН-ПРИ» хаҺаайыннарынан — Антоновка орто оскуолатын «Айуу-Чэ» театральнай коллектива буолла. Былатыан Ойуунускай «100 сыллаах былаан» уонна Былатыан Ойуунускай «Үчүгэй түҥэтик» айымньыларынан. Үөрэх управлениетын уонна Ньурбатааҕы көһө сылдьар государственнай тыйаатыр «Ийэ сүрэҕэ» премьераҕа сылдьар билиэтинэн, көһө сылдьар кубогынан наҕараадаланна.
1 бөлөххө 1-4 кылаас оҕолоругар
1 миэстэни ылла — Чуукаар орто оскуолатын «Күн оҕото» театральнай коллектив, Былатыан Ойуунускай «Көтөрдөр мунньахтара» туруоруутунан.
2 миэстэни ылла Ньурба 3 №-дээх алын сүҺүөх оскуолатын «Мүчүк» театральнай коллектив, Николай Якутскай «Ойуур оскуолата» айымньытынан
3 миэстэни ылла Өҥөлдьө орто скуолатын «Чугдаар» театральнай коллектива, Николай Якутскай «Ойуур оскуолата» айымньытынан
2 бөлөххө 5- 10 кылаас оҕолоругар
1 миэстэни ылла Маар орто оскуолатын «Дьикти саас» театральнай коллектива, Николай Якутскай «Ойуур оскуолата» айымньытынан
2 миэстэни ылла Маалыкай орто оскуолатын театральнай коллектива, Далан «Yрэх баҺын үҺүйээннэрэ» туруоруутунан
3 миэстэни ылла Ньурбатаа5ы элбэх хайысхалаах гимназия «Гулливер» о5о тыйаатыра, Николай Якутскай «Көрдөөх булчуттар» аймньытынан.
Анал ааттары уонна анал бириистэри ыллылар
«Лучшая женская роль» — Николаева Виола, Марха орто оскуолатын үөрэнээччитэ, «Туоҕуйа суох эмээхсин» норуот остуоруйатыгар эмээхсин оруола. Үөрэх управлениетын уонна Ньурбатааҕы оҕо библиотекатын анал биирииһинэн наҕараадаланна.
«Лучшая мужская роль» — Оскар Алексеев, Маар орто оскуолатын маҥнайгы кылааҺын үөрэнээччитэ, Николай Якутскай «Ойуур оскуолата» айымньытыгар мэник куобахчаан оруола. Үөрэх управлениетын уонна Ньурбатааҕы көһө сылдьар государственнай тыйаатыр анал биирииһинэн наҕараадаланна.
«Лучшая режиссерская работа» — Петров Анатолий Данилович, В.С.Яковлев-Далан «тулаайах о5о» айымньытынан, Күндээдэ орто оскуолата. Үөрэх управлениетын анал биирииһинэн наҕараадаланна.
«Лучшее музыкальное оформление» — Хаҥалас орто оскуолатын «Юные таланты» театральнай коллектив, Анна Неустроева «Оҕолор» айымньытынан.
Ону сэргэ, Саха Өрөспүүбүлүкэтин норуодунай артыыската Валентина Пантелейменовна Тарасова Маалыкай орто оскуолатын үөрэнээччилэригэр анал Добун суруктарын туттарда
Арассыйатааҕы бастыҥнар оҕо хамсааһынын олохтоох отделениетын анал бирииһэ «Светлячоктар» о5о театральнай коллективыгар туттарылынна.
Бары коллективтар олус кыҺаллан бэлэмнэнэн киирбиттэрэ олус хай5абыллаах. Олох уҺулуччу оформлениелаах, танастаах-саптаах Маалыкай орто оскуолатын бэлиэтиэххэ наада.
Бары тэрийээччилэргэ, кыттыбыт оскуолаларга, салайааччыларга, оҕолорго, төрөппүттэргэ махталбытын тиэрдэбит уонна үгүс ситиһиилэри, бары үтүөнү баҕарабыт👏🏻💐⭐️