Саха Өрөспүүбүлүкэтин «Барҕарыы» национальнай пуондата 7-11 кылаас үөрэнээччилэригэр анаан сахалыы тылынан I Өрөспүүбүлүкэтээҕи “Барҕарыы” научнай практическай кэмпириэнсийэни Дьокуускай куоракка бу дьыл кулун тутар 4, 5 күннэригэр тэрийэн ыытта.
Кэмпириэнсийэ сыала – чинчийэр үлэ нөҥүө оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы.
Соруктара – үөрэнээччилэр билим, култуура, общественность үлэһиттэрин кытта аһаҕастык сэһэргэһэр, бодоруһар эйгэтин тэрийии; төрөөбүт тыл туттуллар эйгэтин кэҥэтии, сахалыы саҥа култууратын үрдэтии; билими киэҥ эйгэҕэ сырдатыы, тарҕатыы; анал экспертэр кыттыылаах үлэлэри үрдүк таһымнаахтык сыаналааһын, атын күрэхтэргэ талыы.
Ньурба оройуонун делегацията — 6 салайааччы уонна 2 төрөппүт, 20 үөрэнээччи кыттыыны ыллылар. Делегация салайааччыта Григорьева Туйаара Викторовна, Степан Васильев аатынан араас хайысхалаах Ньурба гимназиятын учуутала.
Кулун тутар 4 күнүгэр Өрөспүүбүлүкэтээҕи лиссиэй-интэринээккэ «Барҕарыы» үөрэнээччилэр кэмпириэнсийэлэрэ буолан ааста, түмүгүн кулун тутар 5 күнүгэр Ийэ тыл форумугар биллэрдилэр.
Иккис күн Саха театрыгар Ийэ тыл форума буолла. Учууталларга, салайааччыларга, төрөппүттэргэ лиэксийэлэр, кэпсэтиилэр, оҕолорго анаан түһүлгэлэринэн маастар-кылаастар буоллулар.
Ньурба оройуонун оскуолаларын 20 үөрэнээччитэ 18 үлэ көмүскээтилэр:
- МБҮөТ «Степан Васильев аатынан араас хайысхалаах Ньурба гимназията» — 9 үөрэнээччи, 8 үлэ;
- МБҮөТ «Н.И.Прокопьев аатынан Хатыы орто оскуолата» — 3 үөрэнээччи;
- МБҮөТ «А.Н. Чусовской аатынан Ньурбатааҕы техническэй лицей» — 2 үөрэнээччи;
- МБҮөТ «К.Д. Уткин аатынан Марха орто оскуолата» — 2 үөрэнээччи.
- МБҮөТ «С.С. Сүүлүскэй аатынан Сүлэ орто оскуолата» — 2 үөрэнээччи, 1 үлэ;
- МБҮөТ «Н.И.Кочнев аатынан Хаҥалас орто оскуолата» — 1 үөрэнээччи;
- МБҮөТ «С.П. Алексеев-Боһуут аатынан Чаппанда орто оскуолата» — 1 үөрэнээччи.
Кэмпириэнсийэ үлэтин хайысхаларынан түмүктэр:
Үлэ хайысхата | Кыттааччы аата-суола, кылааһа | Үлэ тиэмэтэ | Салайааччы | Миэстэ | |
Култуура | Семенов Михаил, 10 кыл. | «Мэгэдьэк нэһилиэгин олоҥхоһуттара, тойуксуттара, ырыаһыттара” | Васильев В.А.,
Хатыы орто оскуолата |
2 миэстэ | |
Искусство | Яковлев Айгылаан 10 кыл. | “Фокус-харах баайыыта эбэтэр олох дьиктитэ” | Григорьева Т.В., Ньурба гимназията | 3 миэстэ | |
Литэрэтиирэ, айымньы тыла-өһө | Алексеева Ярослава, Старостина Нюргуяна, 11 кыл. | “Далан айымньыларыгар дьүһүннүүр тыллар туттуллуулара” | Гурьева В.Н., Сүлэ орто оскуолата | 1 миэстэ | |
Тылы тэӊнээн үөрэтии | Тогонохова Мария, 7 кыл. | Эрилик Эристиин «Хачыгыр» уонна И.С.Тургенев “Муму” кэпсээннэригэр баар сомоҕо домохтору тэҥнээн ырытыы | Григорьева Т.В., Ньурба гимназията | 3 миэстэ | |
Археология, этнология, история | Попова Софья, лицей, 9 кыл. | «Саха сирин бастакы археолога» | Иннокентьева А.П., К.Д. Уткин аатынан норуоттар доҕордоһууларын түмэлэ | 3 миэстэ | |
История | Федоров Александр, 9 кыл. | «Үтүө киһи аата үйэлэргэ умнуллубат» | Тереньева А.В., Марха орто оскуолата | 2 миэстэ | |
Биология уонна мэдиссиинэ | Жданова Анжелина, 11 кыл. | “Почваны тупсарыыга сымыыт хаҕын туһаныы” | Жданова Н.В., Хаҥалас орто оскуолата | 3 миэстэ |
Кыайыылаахтарга дипломнар, кыттааччыларга туоһу суруктар туттарылыннылар.
Кэмпириэнсийэ кыайыылаахтарыгар, кыттааччыларга, салайааччыларга итии-истиӊ эҕэрдэ! Инникитин өссө да үрдүк ситиһиилэр кэлэ турдуннар!