Муус устар 12-13 күннэригэр Хаҥалас улууһун Тиит Арыы орто оскуолатыгар «Pedagogy-X» I өрөспүүбүлкэтээҕи эдэр педагогтар слеттарыгар Ньурба улууһуттан 11 буолан кыттан кэллибит.
Слет сүрүн сыалынан эдэр педагогтары өйөөһүн, профессионал быһыытынан үүнэллэригэр көмөлөһүү буолар.
Бастакы күн слет кыттыылаахтарын 5 хамаандаҕа арааран “Lesson Study” технологиянан урок бэлэмнээн ыыттыбыт, ырыттыбыт. Эбиэт кэннэ Кузьмина В. В. салалтатынан «Бары бииргэ» акцияҕа блиндажнай свеча оҥордубут. Киэһэ «Эркээйи» КК аһымал кэнсиэр көрдүбүт.
Иккис күнүгэр сарсыардаттан араас маастар кылаастары ыыттыбыт: мыыла өрөөһүнэ, гиипсэттэн оҥоһук, значок оҥорооһун, медиацентр үлэтин көрдөрдүбүт, кэпсээтибит. Маны таһынан ямщиктар музейдарын көрөн аастыбыт. Түмүктүүр тэрээһин Сахабыт маанылаах сиригэр Өлүөнэ очуостарыгар сылдьыы буолла.
«Pedagogy-X» I өрөспүүбүлкэтээҕи эдэр педагогтар слеттара биир санаалаах дьон былааһааккаларынан буолла.