Сэтинньи 24 күнүгэр Чаппанда нэhилиэгин «Дьоҕур» норуот айымньытын дьиэтигэр Ньурба улууhун иhинэн 4 кылаастарга ыытыллар «Уоланнар ааҕыылара» күрэх 5-с тѳгүлүн буолан ааста. Быйылгы күрэх Россия урдунэн биллэриллибит айыл5а харыстабылын, Саха республикатыгар Ыччат сылынан уонна Максим Горькай аатынан государственнай бириэмийэ лауреата, поэт Семен Петрович Данилов 100 сааьыгар ананан ыытылынна. Нэhилиэк «Дьоҕур» норуот айымньытын дьиэтигэр Семен Данилов кинигэлэрин выставката туруоруллан дьон-сэргэ сэӊээриитин ылла. Улуус 10 оскуолатыттан барыта 14 уолан хоhоон ааҕан күѳн кѳрүстэ. Биэс састааптаах дьүүллүүр сүбэ күрэҕи сыаналаата, ол иhигэр уолан ааҕыыларын кыттыылааҕа 9-с кылаас үѳрэнээччитэ Андреев Коля кыттыспыта бу курэх биир бэлиэ уларыйыытынан буолла.
Күрэх түмүгүнэн Чаппанда Алексеев С.П.Босуут аатынан орто оскуола анал бирииhэ Бугаев Гермаӊӊа(Чаппанда), нэhилиэк библиотекатын анал бирииhэ- Столяров Дамирга(Антоновка) уонна Чаппанда администрациятын анал бирииhэ Григорьев Эрчимӊэ (Маар) тигистэ. Поэт аатын сүгэр Бэрдьигэстээх орто оскуолатын (Горнай улууhа) туруорбут «Кылаан кыайыы» хаhаайынынан буолла Иванов Юра (Араӊастаах оскуола-саада) салайааччы Петрова А.В., 1 миэстэ- Тобонов Андриан (НСОШ №1) салайааччы СемяноваН.А.., 2- миэстэ –Яковлев Эрчимэн (Малыкай) салайааччы Иванова М.С., 3 миэстэ- Филиппов Айтал (НСОШ №1) салайааччы Гуляева В.С. буоллуллар. Курэх кыттыылаахтара сылын аайы тутталлара-хапталлара, хоhоону ааҕар таhымнара да үрдээбитин бары бэлиэтээтилэр. Быйыл курэхпит биир ирдэбилинэн хомуhуол сон этэ. Ол курдук курэх кыттыылаахтара хомуhуол сон анаан –минээн тиктэрэн кэлбиттэрэ кэрэхсэбиллээх.