А5а дойду көмүскэлигэр өлбүт буойун-учууталлар

Күн-дьыл устан ааһан иһэр. А5а дойду сэриитэ са5аламмыта 69, бүппүтэ 65 сыл буолла. Көстүбүт матырыйааллартан биллибитинэн, урут үлэлии сылдьыбыт учууталлартан 94 киһи сэриигэ ынырыллан барбыттарыттан 33 киһи сэрии толоонугар букатыннаахтык хаалбыттар. Кинилэр сырдык ааттара саатар кинигэ5э киирэн, үтүө өйүөбүнньүк быһыытынан үйэлэртэн үйэ5э хаалыах тустаах. Кинилэр ааттарын үйэтитэр биһиги, кэнники көлүөнэ, ытык иэспит буолар.

Ааспыт көлүөнэлэр олохторун, үлэлэрин туһунан матырыйаал бө5өнү хасыһан булан, чинчийэн, сааһылаан, уруккута историк-учуутал, кэлиннитэ советскай-партийнай үлэһит Иван Алексеевич Анисимов сэрии кыттыылаахтарын, тыыл ветераннарын тустарынан тус-туһунан наардаан уонча кинигэни суруйда. Олортон сороҕото бэчээттэнэн тахса илик. Биир киһи үлэтэ диэтэххэ, киһи өйүгэр баппат үлэ. Хас биирдии киһи туһунан онно-манна «ыһылла» сылдьар матырыйааллары хомуйан, сааһылаан, орун-оннугар түһэрэн кинигэтигэр киллэрэн хаалларарга диэри төһөлөөх көлөһүн тохтубутун тустаах киһи Иван Алексеевич бэйэтэ эрэ билэрэ буолуо. Чөкөтүллүбүт матырыйааллартан сүүмэрдээн, ытык иэстэрин толоро сылдьан охтубут уолаттарбыт — учууталлар ааттара бу баар:

Александров Алексей Герасимович, 1911 с. Кукаакыга төрөөбүт. Бааһыран Казань куоракка эмтэнэ сытан 1943 с. тохсунньу 14 күнүгэр өлбүт.
Седалищев Николай Ильич, 1915 с.т. Маалыкайга үлэлээбит. 1943 сыл олунньуга Сталинградскай уобаласка өлбүт.
Седалищев Виталий Ильич, 1920 с.т. Хатыы оскуолатыгар үлэлээбит. 1943 сыл атырдьах ыйын 23 к. госпитальга өлбүт. Харьков уобалаһыгар Липцы дэриэбинэ5э көмүллүбүт.
Пахомов Николай Александрович, 1913 с.т. Хорула5а учууталлаабыт. 1942 с. Хотугу Донецкайга өлбүт.
Кондратьев Василий Петрович, 1919 с.т. Ньурба оскуолатыгар военругунан үлэлээбит. 1943 сыл кулун тутарга Молотовскай уобалас (билиннитинэн Пермскэй) госпиталыгар өлбүт.
Копылов Николай Егорович, 1920 с.т. Суораттаах оскуолатыгар үлэлээбит. Сура5а суох сүппүт.
Нилов Егор Ефремович, 1918 с.т. Токоско учууталлаабыт. 1942 с. Москва көмүскэлигэр өлбүт.
Самсонов Дмитрий Васильевич, 1920 с.т. Иккис Дьаарханна үлэлээбит. Сура5а суох сүппүт.
Семенов Игнатий Алексеевич, 1912 с.т. Сура5а суох сүппүт.
Софронов Алексей Афанасьевич, 1921 с.т. Өнөлдьө5ө учууталлаабыт. Улахан дьо5урдаах поэт буолан испит. Сэриилэһэ сылльан элбэх хоһоону дьонугар ыыппыт. 1944 сыл от ыйын 4 күнүгэр өлбүт. Волынскай уобалас Кобельскай оройуонун Мыслин дэриэбинэтитэр көмүллүбүт (Украина).
Антонов Егор Федотович, 1917 с.т. Куочайга учууталлаабыт. 1942 сыл алтынньы 1 күнүгэр Сталинградка өлбүт.
Габышев Георгий Степанович, 1917 с.т. Ньурба5а учууталлаабыт. 1943 сыл олунньуга Молотовскай уобаласка өлбүт.
Тарасов Филипп Савинович, 1909 с.т. Куочай оскуолатыгар директордаабыт. «Ударник-учуутал» диэн аат иҥэриллибит. 1943 сыл ахсынньы 30 күнүгэр Белоруссия Витебскэй оройуонун Иваньково бөһүөлэгэр өлбүт.
Яковлев Григорий Иванович, 1918 с. т. Куочайга төрөөбүт. Үөһээ Бүлүү Дүллүкүтүгэр учууталлаабыт. Сура5а суох сүппүт.
Яковлев Увар Семенович, 1919 с.т. Аранастаахха учууталлаабыт. 1943 сыл олунньу 10 күнүгэр госпиталга өлбүт. Молотовскай уобалас Кунгур куоратыгар көмүллүбүт.
Яковлев Сергей Андреевич, 1920 с.т. Хорула5а, онтон Ньурба5а учууталлаабыт. 1943 сыл олунньутугар сура5а суох сүппүт.
Данилов Аким Филиппович, 1919 с.т. 1942 сыл сэтинньигэ өлбүт.
Иванов Алексей Семенович, 1915 с.т. Таркаайыга төрөөбүт. Марха оскуолатыгар учууталлаабыт. 1943 сыл кулун тутар 7 күнүгэр өлбүт. Орловскай уобалас Прогресс селотугар көмүллүбүт.
Михайлов Герасим Федорович, 1918 с.т. Марха оскуолатыгар учууталлаабыт. 1945 сыл кулун тутар 3 к. өлбүт. Илинни Пруссия5а көмүллүбүт.
Матвеев Трофим Федотович, 1919 с.т. 2-с Ханаласка учууталлаабыт. Сура5а суох сүппүт.
Саввинов Николай Николаевич, 1915 с.т. 1 Ханаласка учууталлаабыт. Ленинград уобалаһыгар 1943 сыл олунньу 23 к. сура5а суох сүппүт.
Софронов Иван Андреевич, 1917 с.т. 2-с Ханаласка учууталлаабыт. 1943 сыл от ыйын 14 к. өлбүт. Орловскай уобалас Алексеевка дэриэбинэ5э братскай могила5а көмүллүбүт.
Бекренёв Фрументий Георгиевич, 1910 с.т. 1942 сыл тохсунньугугар сура5а суох сүппүт.
Захаров Петр Гаврильевич, 1910 с.т. РайОНО сэбиэдиссэйинэн үлэлии олорон 1942 сыл атырдьах ыйыгар армия5а ынырыллыбыт. 1943 сыл сэтинньи 2 к. өлбүт. Черниговскай уобалас (Украина) Любеченскай оройуон Кези сэлиэнньэтигэр 19-с нүөмэрдээх братскай могила5а көмүллүбүт.
Иванов Николай Прокопьевич, 1917 с.т. Чаппанда5а учууталлаабыт. 1943 сыл олунньу 25 к. пулеметчигынан сылдьан Ильмень күөлгэ өлбүт.
Яковлев Гаврил Афанасьевич, 1918 с.т. Чаппанда5а завучтаабыт. 1945 сыл муус устар 20 к. өлбүт. Германия Цибинин куоратыгар көмүллүбүт.
Борисов Степан Степанович, 1915 с.т. Ньурба оскуолатыгар военруктаабыт. 1946 сыл кулун тутар 17 к. ыалдьан өлбүт.
Васильев Игнатий Иванович, 1918 с.т. Ньурба оскуолатыгар учууталлаабыт. 1943 сыл кулун тутар 3 к. өлбүт.
Перфильев Владимир Владимирович, 1915 с.т. Сунтаар оройуонун Түбэй Дьаархан оскуолатыгар директордаабыт. 1942 сыл бэс ыйын 26 к. өлбүт. Курскай уобалас Понырскай бөһүөлэк «1 маай» колхоһун сиригэр көмүллүбүт.
Саввинов Егор Захарович, 1921 с.т. Ньурба оскуолатыгар учууталлаабыт. 1945 сыл тохсунньу 24 к. өлбүт. Кенигсберг (билиннитинэн Калининград) куоракка көмүллүбүт.
Скобелев Спиридон Данилович, 1899 с.т. Гражданскай сэрии кыттыылаа5а, кавалерист. Ньурба оскуолатыгар военруктаабыт. 1942 сыл алтынньыга Сталинградтаа5ы кыргыһыыга өлбүт.
Софронов А.И. Хорула5а учууталлаабыт. Сура5а суох сүппүт.
Иннокентьев Христофор Николаевич, 1913 с.т. 2-с Ханалас оскуолатын маннайгы учуутала. Кэлин Горнай оройуонун Бэрдьигэстээх орто оскуолатын директорынан үлэлээбит. Старшай лейтенант, полевой разведка салайааччыта. 1945 с. кулун тутар 24 к. өлбүт. Илинни Пруссия5а Грунау дэриэбинэтигэр көмүллүбүт.