Бастакы учуутал.. Хас биирдии киhиэхэ истин, кэрэ, чугас тыллар. Мээнэҕэ да маңнайгы учууталга элбэх ырыа, хоһоон, кэпсээн анамматаҕа. Бастакы учуутал — аан маңнай билии-көрүү аанын аһааччы, билиигэ сирдээччи. О5о өйүгэр сүппэттии үтүө өйдөбүл, сырдык сулус буолан оло5ун устатыгар хаалар.
Оҕо кэлэр кэскилин сирдиир үтүөкэн аналлаах Учуутал эппиэтинэhэ да үрдүк.
Антоновка орто оскуолатыгар алын кылаастарга өр сылларга үлэлээбит, киэн туттар, ытыктыыр коллегабыт, төрөппүттэр убаастыыр, үөрэнээччилэр таптыыр учууталларын – Филиппова Капиталина Ивановна аатын үйэтитэргэ методическай турниры тэрийэн ыыттыбыт.
Сомо5олоhуу сылыгар куорат иhинээ5и, Ньурба, Марха, Маалыкай уокуруктарыттан хамаандалар кытыннылар. Хас биирдии хамаанда 5-тии кыттааччылаах.
Метотурнир чэрчитинэн аhа5ас уруоктар, төрөппүт мунньа5ын бырайыагын көмүскээhин, уруок ырытааhына ыытылыннылар. Метотурнир аhыллыытыгар улуустаа5ы үөрэ5ирии салалтатын начальнига А. П. Аргунова кыттааччыларга истиң э5эрдэтин, тэрийээччилэргэ бастың учуутал аатын үйэтитиигэ са5алааhыннарыгар махталын биллэрдэ. Экспертэринэн Васильева В.П. – улуустаа5ы үөрэ5ирии салалтатын кылаабынай специалиһа, Донская А.Д. – улууска алын кылаас учууталларын холбоһугун салайааччыта, Охлопкова Е.Г. — улууска алын кылаас учууталларын холбоһугун салайааччыта, Иванова М.М. – Антоновка орто оскуолатын нуучча тылыгар уонна литературатыгар учуутала, директоры үөрэх чааһыгар солбуйааччы, Чиряева А.А. – Ньурба 2 №-дээх оскуолатын алын кылааһын учуутала үлэлээтилэр.
Түмүккэ Кылаан кыайыылаах үрдүк аатын «Искра» (Ньурба куората) ылла. «Колокольчик» (Ньурба таhынаа5ы оскуолалар) «Увлеченность, вдохновение, талант», «Великолепная пятерка» (Марха) – «Творческий поиск в профессии», «Звоночек» (Маалыкай) – «Популяризация деятельности с родителями» анал номинациялар хаһаайыннара буоллулар.
Турнирга спонсордаабыт Капиталина Ивановна чугас аймахтарыгар, үөрэппит 2-с выпуһугар, В.А. Петрова аатынан Үөдэй оскуола-садын коллективыгар тэрийээччилэр ааттарыттан ис сүрэхпититтэн махтанабыт.
М.А. Николаева – Н.Н.Чусовской аатынан Антоновка орто оскуолатын директорын алын кылаастарга иитэр-үөрэтэр үлэ5э солбуйааччыта.