Кулун тутар 5 күнүгэр Үөһээ Бүлүү улууһун Н.Г.Золотарев – Якутскай аатынан Харбалаах орто оскуолатыгар Бүлүү бөлөх улуустар эдэр учууталларыгар анааллаах «Үрдүк Дабаан» диэн күрэхтэрэ ааста. Бүлүү, Уөһээ Бүлүү, Сунтаар, Ньурба оройуоннарыттан уопсайа 26 эдэр учуутал күрэхтэстэ. Ньурба улууһун Хатыы орто оскуолатыттан Тимофеев Владимир Гаврильевич, история учуутала «Торговля в средние века» уруогунан, Семенов Иннокентий Афанасьевич, информатика учуутала «Графический исполнитель ГРИС» уруогунан кыттыыны ыллылар.
Маҥнайгы түһүмэххэ эдэр учууталлар 6 бөлөҕүнэн арахсан, аһаҕас уруок ыыттылар. Иккис түһүмэххэ кылаас чаастара буолла. Харбалаах оскуолата олус бэлэмнээҕин, түмсүүлээҕин көрдөрдө. Үһүс түһүмэххэ «Уустук түгэнтэн тахсыы» боппуруоска эппиэттээһиҥҥэ финалга киирбит учууталлар таҕыстылар.
Эдэр учууталларбыт араас уруоктарга , аһаҕас дьарыктарга сылдьан билиилэрин хаҥаттылар, опыт атастастылар, методика өттүнэн сайдан, хаҥаан кэллилэр.