Эбии Үөрэхтээһин киинэ ыытар «Мин Айыы сирин оҕотобун» бырайыагын чэрчитинэн Убайаан оскуолатын үөрэнээччилэрэ “Сардаҥа” түмсүү эбээлэрин кытта “Күн Дьөһөгөй оҕото” диэн тэрээһиҥҥэ кытыннылар. Өр сылларга оҕону иитиигэ ситиһиилээхтик үлэлээбит, билигин сынньалаҥҥа олорор “Учууталлар учууталлара” Биякова Светлана Ивановна уонна Убайаан түөлбэтигэр олорор эбээлэр саха маанылаах сылгытын туһунан оҕолорго кэпсээтилэр. Саха ата барахсан былыр былыргыттан бары өттүнэн эргиччи туһалааҕын, этэ эрэ буолбакка түүтэ, тириитэ, үүтэ олус эмтээҕин биллилэр, билиилэрин кэҥэтэн таабырын таайдылар. Эбээлэр сылгы этиттэн араас бүлүүдэлэринэн, быппаҕынан, алаадьыннан кэлбит оҕолору күндүлээтилэр. Оҕолор Эбии үэрэхтээһин Киинигэр дьарыктанар оҕолор аттары хаартыскаҕа түһэрбит дьүһүйүүлэрин быыстапкатын, эбээлэр ат сиэлиттэн, кутуругуттан оҥорбут араас оҥоһуктарын, киэргэллэрин көрдүлэр. Саха атын ытыктаан онноҕор Саха сирин республикатын дьаралыгар ойууламмыта, ырыаҕа ылламмыта, хоһооҥҥо элбэхтик хоһуллубута.
Түмүккэ эбээлэр алгыс тыллаах оһуохайдарыгар, эдэр олоххо саҥа үктэнэн эрэр оҕолор уонна олоҕу билбит опыттаах эбээлэр илии илиилэриттэн иилии ылсан, бииргэ үктэнэн доҕулдьуһа хаамыстылар. Оҕолор тэрээһин бүтүүтэ быдан аһыллан, сирэйдиин-харахтыын сэргэхсийэн, өбүгэлэрин үгэһин иҥэринэн үөрэн-көтөн тарҕастылар. Киэн туттуҥ эһиги Айыы сирин оҕолоро буоларгытынан!
Ньурбатааҕы эбии үэрэхтээһин Киинин музейнай үлэҕэ методиһа В.Я.Давыдова.