Кулун тутар 2 күнүгэрМ.С. Егоров аатынан Ньурба№2 оскуолатыгар А.В.Мясоедова салайааччылаах улуус саха тылын, литературатын, «Саха сирин норуоттарын култууратын» учууталларын сэминээрэ буолан ааста. Өҥөлдьө орто оскуолатыттан саха тылын, литературатын учуутала Никитина А.И., Ньурба№2 оскуолатыттан — Степанова У.И. ааптарыскай сэминээрдэрэ үрдүк таһымнаахтык бардылар. Ол курдук , Анна Ильинична «Үөрэнэргэ үөрэнэбит» 7 кылааска тургутук ,» «Өбүгэ үөрэҕэ- олоххо киириитэ» 8 кылааска кэпсэтии , Ульяна Ивановна «Даҕааһын аат этиигэ оруола» 6 кылааска саха тылын уруоктара ,»Норуот тылынан уус уран айымньыларын оскуолаҕа үөрэтии ньымалара» Степанова У.И , «Тыл- чиҥ билии төрдө» Никитина А.И. маастар-кылаастара ис хоһооннохтук, араас педагогическай ньыманы тутуһан, бэрт сэргэхтик, бол5омто тардар гынан ыытылыннылар. Маны таһынан Л.Р. Иннокентьева салайааччылаах Ньурба №2 оскуолатын саха тылын, култууратын, технологиятын учууталлара»Аман ааттал» диэн кластердара тэрээһиннээхтик буолла. Кластерга МХ учууталлара : Климова В.В., Иванова М.А.,Егорова Е.Х.,Торохова О.А., Николаев Я.И., омук тылын учууталлара Григорьева В.Д., Беленкова Л.Е., 9 кылаас үөрэнээччитэ, омугунан тувинка Тюлюш Менги, оскуола повардара Семенова Е.С., Матвеева И.А. кыттыыны ыллылар. Сэминээр кыттыылаахтара оскуола остолобуойугар сахалыы астары: үөрэ миинин, күөрчэхтээх алаадьыны, лэппиэскэни үөрэ-көтө амсайдылар. Оройуон 21 саха тылын, литературатын, «Саха сирин норуоттарын култууратын» биридимиэттэрин үөрэтэр учууталлар саҥа сонун билиилэри ылан, санааларын үллэстэн, инникитин өссө көхтөөхтүк, биир санаанан түмсэн үлэлииргэ сүбэлэһэн астынан тарҕастылар.