Тэрийээччилэр: Ньурба оройуонун үөрэҕириигэ салалтата, оскуола алын кылаастарын учууталларын методическэй холбоhуктара.
Сүрүн сорук: алын кылаастар үөрэнээччилэрэ санааларын сааһылаан сайа этэр сатабылларын көрүү.
Самалык соруктар:
- төрөөбүт төрүт тылга тапталы иҥэрии;
- саха тылын баайын, дэгэтин дьүөрэлээн туттан саҥарар дьоҕурун сайыннарыы;
- санааны дьоҥҥо сатаан тиэрдэр, итэҕэтэр, куолаһы оонньотор үөрүйэҕин иҥэрии;
- дьон иннигэр сөптөөхтүк туттан-хаптан саҥарыы ньыматын үөрэтии.
Ыытыллар кэмэ: уокурукка- олунньу 13 күнэ, оройуоҥҥа – олунньу 15 күнэ.
Күрэх 3 түһүмэҕинэн ыытыллар:
— оскуола иhигэр бөлөҕүнэн ыытыллар;
— уокурук күрэҕэр үс бөлөхтөн үстүү бастыҥ кыттааччы кэлэр – олунньу 13 күнэ.(3-4 кылаас үөрэнээччилэрэ)
— оройуон күрэҕэр уокуруктан үс бастыҥ кыттааччы кэлэр — олунньу 15 күнэ.
( 4 кылаас үөрэнээччилэрэ.)
Кыттааччыттан ирдэнэр:
- сахалыы таҥас;
- атын омук тылын туттуу бобуллар;
- тезиhэ суох саҥарыы;
- бириэмэни сөптөөхтүк аттаран туhаныы;
Тиэмэлэр:
- Доруобуйам-бэйэм илиибэр.
- Үөрэх-билии төрдө.
- Мин төрөөбүт дойдум.
- Үтүө быһыы, майгы-сигили.
Кыттааччы бу бэриллибит тиэмэлэргэ сыьыаннаах, хос тиэмэлэри тардан ылар уонна тута бэлэмнэнээт кэпсиир, бириэмэтэ 7 мүнүүтэттэн уһаабат.
Кыттааччылар кэпсиир уочараттарын талаллар, бэлэмнэнэргэ 7 мүнүүтэ бэриллэр. Бастакы кыттааччы кэпсиир бириэмэтигэр иккис кыттааччы бэлэмнэнэр…..
Кыттааччы өбүгэ үгэhинэн бэйэни билиhиннэриитэ биhирэнэр.
Дьүүллүүр сүбэ сыаналыыр өрүттэрэ:
— оҕо бэйэтиттэн уустаан ураннаан саҥарыыта;
— талбыт тиэмэтин ис хоһоонун толору арыйыыта;
— саҥатын чуолкайа, куолаһын араастаан оонньотуута;
— сценическэй култуурата.
Уокуруктарынан ыытыллар сирдэрэ :
Марха уокуруга – Акана орто оскуолатыгар,
Ньурба уокуруга – Антоновка орто оскуолатыгар,
Ньурба куорат уокуруга – Убайаан орто оскуолатыгар,
Маалыкай уокуруга – Маалыкай орто оскуолатыгар.
Сайаапканы кыттааччы аатын-суолун,уокуруктарынан тиэрдэгит.
Оройуоҥҥа буолар сирэ: Олоҥхо дьиэтэ.
Күрэх түмүгүнэн бары туоһу сурук ылаллар, 1,2,3 миэстэни ылбыт кыттааччылар Улуустааҕы үөрэҕэрии салалтатын Грамотатынан наҕарааданаллар.
Саха уус-уран айымньыларын үөрэтиигэ үрдүк көрдөрүүлээх улуус алын кылаас учууталларын анал ааттара иҥэриллэр: «Бастыҥ араатар», «Тобуллаҕас толкуй», «Уран тыл», «Чуор куолас»