Кулун тутар 18 күнүгэр Дьокуускай куоракка «Барҕарыы» пуонда 35 сыллаах үбүлүөйдээх тэрээһиннэрин чэрчитинэн «Барҕарыы» II Өрөспүүбүлүкэтээҕи саха тылынан кэмпириэнсийэ буолла.
Кэмпириэнсийэ сыала – чинчийэр үлэ нөҥүө оҕо айар, ырытар, анаарар дьоҕурун, сахалыы саҥарар-толкуйдуур сатабылын сайыннарыы.
Кэмпириэнсийэҕэ 15 улуустан (Амма, Бүлүү, Горнай, Кэбээйи, Мэҥэ Хаҥалас, Нам, Ньурба, Өлүөхүмэ, Сунтаар, Таатта, Томпо, Уус Алдан, Үөһээ Бүлүү, Хаҥалас, Чурапчы) уонна Дьокуускай куораттан улуустааҕы, куораттааҕы түһүмэх кыайыылаахтара, 400-чэ оҕо кытынна.
Ньурба оройуонун делегацията – салайааччылар, тэрэппуттэр, 33 үөрэнээччи кыттыыны ыллылар. Делегация салайааччыта Иннокентьев Петр Александрович, А.Н. Чусовской аатынан Ньурбатааҕы техническэй лиссиэй дириэктэрин солбуйааччыта.
Ньурба оройуонун оскуолаларын 33 үөрэнээччитэ кыттыыны ыллылар:
- МБҮөТ «Степан Васильев аатынан араас хайысхалаах Ньурба гимназията» — 12 үөрэнээччи;
- МБҮөТ «А.Н. Чусовской аатынан Ньурбатааҕы техническэй лицей» — 5 үөрэнээччи;
- МБҮөТ «Н.И. Прокопьев аатынан Хатыы орто оскуолата» — 5 үөрэнээччи;
- МБҮөТ «П.С. Егоров аатынан Акана орто оскуолата» — 3 үөрэнээччи;
- МБҮөТ «Д.И. Павлов аатынан Өҥөлдьө орто оскуолата» — 2 үөрэнээччи;
- МБҮөТ «А.Ф. Алексеев аатынан Чуукаар орто оскуолата» — 2 үөрэнээччи;
- МБҮөТ «Н.Н. Чусовской аатынан Антоновка орто оскуолата» — 1 үөрэнээччи;
- МБҮөТ «Маар орто оскуолата» — 1 үөрэнээччи;
- МБҮөТ «К.Д. Уткин аатынан Марха орто оскуолата» — 1 үөрэнээччи;
- МБҮөТ «Е.К. Федоров аатынан Хорула орто оскуолата» — 1 үөрэнээччи.
Учууталларга анаан «Оҕону иитэр-үөрэтэр сахалыы эйгэни тэрийии» сэминээр буолла. Киирии тылы Постников Афанасий Васильевич, «Барҕарыы» Национальнай пуонда дириэктэрэ, Ил Түмэн дьокутаата эттэ.
Кыттыыны ыллылар: Семенова Светлана Степановна, пед. билим канд., СӨ Билим Академиятын Төрөөбүт тыллары үөрэтии, харааннааһын уонна сайыннарыы киинин сүрүннүүр үлэһитэ; Семенова Ольга Ивановна, «Кэскил» оҕо бэчээтин кыһатын дириэктэрэ; Павлова Мария Егоровна, Кэбээйи улууһун Кэбээйи орто оскуолатын дириэктэрин иитэр үлэҕэ сүбэһитэ, саха тылын учуутала, «Төрөппүт көҕүлээһинин киинин» кыттааччыта; Емельянова Наталья Николаевна, «Айыы Кыһата» Национальнай гимназия дириэктэрин иитэр үлэҕэ солбуйааччыта; Романова Клара Пантелеймоновна, Өрөспүүбүлүкэ лиссиэй-интэринээтин дириэктэрин иитэр үлэҕэ солбуйааччыта, «Күн» оҕо хамсааһынын салайааччыта; Татаева Валентина Николаевна, логопед, «Күөрэгэй» түмсүү кыттааччыта.
Кулун тутар 19 күнэ, Саха академическай тыйаатырыгар «Барҕарыы» кэмпириэнсийэ Кылаан кыайыылаахтарын эҕэрдэлээһин түһүлгэтэ тэрилиннэ.
Үөрэх, култуура, спорт, урбаан эйгэтиттэн биллиилээх дьон, блогердар, артыыстар кыттыылаах форсайт-сессия буолла. Анатолий Бурнашев, Ольга Григорьева, Василий Егоров, Борислав Степанов, Гоша Васильев–Джида, Киджа, Николай Корякин–Айдын Атэ сахалыы эйгэ уратытын, бэйэ суолун булунуу, айар кут, ситиһиилээх буолуу туһунан сэһэргээтилэр, оҕолорго сүбэ-соргу тылларын эттилэр.
Кэмпириэнсийэ үлэтин хайысхаларынан Ньурба оройуонун үөрэнээччилэрин ситиһиилэрэ:
| Миэстэ | Оҕо араспаанньата, аата, аҕатын аата | Кылаас | Кыттааччы оскуолата | Бырайыак аата | Научнай салайааччытын араспаанньата, аата, аҕатын аата | |
| 2.2. Педагогика уонна уйулҕа билимэ (10-11 кылаас) | ||||||
| 2 үрдэл | Филиппова Олеся Олеговна | 10 | Д.И.Павлов аатынан Өҥөлдьө орто оскуолата | Садаачалар хомуурунньуктара | Петрова Ирина Васильевна | |
| 3.2. Култуура уонна ускуустуба (9-11 кылаас) | ||||||
| 1 үрдэл | Семенов Даниель Евгеньевич | 9 | А.Ф.Алексеев аатынан Чуукаар орто оскуолата | Айылгы түбэтэ сэттэ ытык мыраан | Саввинова Людмила Алексеевна | |
| 5.2. Кыраайы үөрэтии (9-11 кылаас) | ||||||
| 1 үрдэл | Андреев Владимир Андреевич | 10 | А.Ф.Алексеев аатынан Чуукаар орто оскуолата | Баһылай Ньукулаайабыс Ньукулаайап — педагог, дойдунаат, уран тарбахтаах норуот маастара | Данилова Агафья Николаевна | |
| 2 үрдэл | Семенова Марина Кирилловна | 10 | Д.И.Павлов аатынан Өҥөлдьө орто оскуолата | Өҥөлдьө нэһилиэгин топонимиката | Иванова Любовь Егоровна | |
| 6.1. Мэдиссиинэ | ||||||
| Кылаан | Иванова Валерия Егоровна | 9 кыл. | Степан Васильев аатынан араас хайысхалаах Ньурба гимназията | Электроннай сигарета састаабын үөрэтии | Яковлева Евдокия Ивановна | |
| 2 үрдэл | Егорова Диана Семеновна | 8 | А.Н. Чусовской аатынан Ньурбатааҕы техническэй лиссиэй | Тигээйи бородууксуйатын кэрэ эйгэҕэ туҺаныы | Ларионова Светлана Евгеньевна | |
| 3 үрдэл | Кылыярова Мичийэ Дмитриевна | 8 кыл. | Степан Васильев аатынан араас хайысхалаах Ньурба гимназията | Диатеһы сахалыы ньыманан эмтээһин | Николаева Марина Николаевна | |
| 6.2. Химия, биология | ||||||
| 3 үрдэл | Никифорова Ирина Степановна | 8 | А.Н. Чусовской аатынан Ньурбатааҕы тиэхиничэскэй лиссиэй | Үүт хаачыстыбатын быһаарыы | Васильева Ольга Прокопьевна | |
| 7. Математика | ||||||
| Кылаан | Ноговицына Джульетта Ивановна | 6 | Н.И.Прокопьев аатынан Хатыы орто уопсай үөрэхтээhинин оскуолата | Сахалыы кээмэй | Харитонова Луиза Лазаревна | |
| 2 үрдэл | Харитонов Алгыс Николаевич | 10 | Н.И. Прокопьев аатынан Хатыы орто уопсай үөрэхтээhинин оскуолата | Квадратнай корени калькулятора суох таһаарыы | Харитонова Сардана Лазаревна | |
| 3 үрдэл | Васильева Эвелина Васильевна | 7 | П.С. Егоров аатынан Акана орто оскуолата | Функциялар графиктарын чаастарын уруһуйга туһаныы | Лукина Августина Анатольевна | |
| 10. Экэниэмикэ, бэйэ оҥорон таһаарыы | ||||||
| 3 үрдэл | Иннокентьева Даяна Петровна | 8 | А.Н. Чусовской аатынан Ньурбатааҕы техническэй лиссиэй | Сэбирдэх тымырдарыттан киэргэл | Иннокентьева Любовь Васильевна, Мясоедова Александра Валерьевна | |
Кэмпириэнсийэ кыайыылаахтарыгар, кыттааччыларга, салайааччыларга итии-истиӊ эҕэрдэ! Инникитин өссө да үрдүк ситиһиилэр кэлэ турдуннар!
Хаартыскалары бу сыылканнан киирэн көрүҥ: https://disk.yandex.ru/d/sGAtT60hH-VTww
Сиһилии https://bargaryy.ru/ саайтка киирэн көрүҥ.
